विरहकाळ

स्फोट आहे वेदनेचा, विरहाचा अग्निलोळ आहे।
पेटलेला मनात मझ्या, तव आठवणींचा जाळ आहे।

स्तब्ध आहेत दाहिदिशा, अन् भकास विश्व सारे,
सरता ना सरतो लवकर, विरहाचा हा काळ आहे।

मनाच्या या सागरात, तव आठवणींच्या विराट लाटा,
रोंरावत, घोंघावत फिरते, तुझ्या प्रेमाचे वादळ आहे।

दिवसा पेटलेले सुर्यबिंब, रात्री उदास ते चंद्रबिंब,
विरहाच्या क्षणात या, दुश्मन हे आभाळ आहे।

आठवतो सागरकिनारी, तुझ्या हास्याचा खळ्खळाट,
पण उरली फक्त मंद हवा, अन् सोबतीला प्रवाळ आहे।