जीवन....... एक अग्नीकुंड!

जीवन.......
एक अग्नीकुंड-
भकभकतं ।
त्यातील ज्वाला.....
पहातात सगळ्यांना
गिळायची वाट ।

असतात संबधी अडचणीच्या
असलेल्या प्रत्येकास
टाकाव्या लागतात समिधा तिच्यात
इच्छेच्या, अकांक्षेच्या, स्वप्नांच्या !

आणि समिधाच संपल्या तर.....?
स्वत:च बनून समिधा.....
घ्यावी लागते उडी-
त्या नरभक्षक अग्नीकुंडात ।

जीवन.....
एक अग्नीकुंड-
ज्याने जळतही नाही पुर्ण!
तसच पोळलेलं, लक्तरलेलं शरीर घेऊन,
जळत-जळत जगावं लागतं....
मरेपर्यंत ।